Çima ev agir venamire?
Ev zêdetirî çaryeka sedsalekê ye, ev agir, bi vê axê ketiye. Agir axê dixwe, agirê vî şerî ter û hiştî pêkve qirç qirç dike xwelî.
Tu devê kê vekî, dê bibêje, “De werin em avekê bi vî agirî de kin!” lê ev agir avê jî dixwe û av jî ji ber dişewite.
Hêj duhî bû, tv û ajansan ragihand ku 7 teretol, 7 ciwanên kur û keçên vî welatî, belkî cîran, belkî hevalê/a me, belkî kezeba me, ji nava me hatin qetatndin.
Hawar û sed hawar, ma ne bes e!
Ma dê heta kengî ev agir ba û nefesa vî welatî ji bixwe û bike xwelî?!
Çima ev xwelîserî!
Çima dê dayik kezebiagir, çavbirondik û bilorînin:
Dêgorî,
Ez biqurban,
Berxê min,
Karika ber dilê diya xwe;
Serî li ber
wekî tûya bin berfê ketî
zûr zûrr çavên wî ber bayê hizran
sernişîvî valahiyekê bûn
Go:
ax xwezî
xwezî ez binêrim têrr
awirên wî li valahiyê
dinêrî ter
terr terrr dinêrî
nêrîneke tijî xwezî
...
Bo çi dê xwezî li vî welatî her bibin xwelî!?
---
Ka riya aqilî?
Ka ma kes vî agirî venamirîne?
...
Bi hêviyên xweş!...