Omer Dilsoz

YPG

29 Temmuz 2013 Pazartesi 20:44

Yekîneyên Parastina Gel, nanê rojê û strana ser zarê her kurdekî ye van rojên kelegerma havînê.

Zarok, bi awazên qehremaniya wan di xew re diçin vî welatê agir û rojê.

Van rojan, ji nav 31 tîpên elfabeyê herî pir çav li van hersê tîpan digerin: YPG.

Navê berxwedanê. Navê raperînê. Navê hêvî û ronahiyê.

Wextekê li Başûr pêşmerge çi bûn, îro li Rojava YPG heman tişt e. Ew mirovên canê xwe daye bin çengê xwe û ji bo avakirina welatê xwe xwîna xwe kirî diyarî.

Gênc û ciwanên bi eşqa azadiyê dilê xwe kirine agir û ber bi asoyên çarenûsa miletekî ve diçin pêş.

Herin pêş va ye YPG tê û tovê azadiya welatekî çar parçe li vir diçîne.

Li rojava, vê carê roja Kurdistanê hiltê.

YPG, navê fersendeke zêrîn a dîrokî ye ji bo kurdan.

Îro her kes bi wan diaxive; Bi berxwedan û mêrxasiya wan ka çawa hêzên pêxwazê dewletên derve sernixwîun dike.

Îro, dost û dijmin, her kes bi dilêrî û vejîna vê tîrêja rojavayê Kurdistanê vedibêje û dost û dijmin qebûl dike ku va ye kurd rabûn ji parsûyên Medan, ji pişta Mîtanniyan, ji kezeba Gutî û Luluyan, ji dilê Urartu û Kasîdan…

Her kes êdî bi destanên wan berê xwe dide jiyanê.

Navê Kurdistan ku sedsalek e di defterên dewletan de ‘reş’ û ‘bêyom’ e, xêz û xetên sor kişandine ser, çalên tarî jê re vedane, li ser zarê her kesê ye.

Û her kes bi YPGê dixure van rojan.

Hemû kurd sînga xwe dipelînin û dibêjin, “Erê, ew qehremanên me ne, parsûyê pişta gelê me ne” û dilê xwe pê xweş dikin.

Her kes dixwaze hinekî bibe YPG.

Her kes dixwaze hinekî bi YPGê bihile û bi wê teşe û dirûv bigire.

Di vê rojiya remezanê de, ber bi îd û erefatan ve li ser zarê her kesê duayek dî zêde bûye li vî welatî, “Ey xwedayê şev û rojan, tu zarên me yên xwarê YPGê xurt bike, tu, serê wê li ber zalimên tên zarokên me didin ber agir, malên me dişewitînin, talana me dibin, fetman û fitweya destdirêjiya me û namûsa me dikin, bilind bike û tu dijminên YPGê rûreş û sernigûm bike!”

Ez zanim hûn bi heft dilan dibêjin “amîn” û pê re van rojan, li vî welatî her zarokên çavên xwe li dinyayê vedike; hinekî YPG ye û di xwîna wan de çirûska ronahiya roja YPGê biçirûse.

Kî çi bêje bila bêje, ev tev berê keda salan e.

Ev tev berhemê hosteya mezin e ku niha di nav çar dîwaran de ye.

Ev hemû, xwî û xwîndana ciwanên tolyaz e ku îro biharek nû pê dibişkûve.

Îro, hemû kurd bi sed dilên xwe YPG ne.

A mayî giş çîrok e; Nizam Kurd çi naxwazin, nizam çi û çi… Tev çîrok e, hûn ne li gotegotan li destana van mêrxwasan binêrin, hûn ê bibînin ka çi çi ye.

Roj bi bêjingê nayê zeftkirin û va ye hiltê şewqa azadiyê ya ronîdar.

Îro dilê min bi sed carî dibê: Y P G !... 

Bu yazı toplam 11130 defa okunmuştur
15:29
 // Amed sliva
Mamosta destè te ter bi mine u hertim nivisa te bi dome biji ypg u biji pyd...
04 Ağustos 2013 Pazar 15:29
rojava
 // ypg
heey suriyaye tiyatroyek mezin pek te .ki zani ba ku kurd ew tiyatro wek rasti bide meşandın.salekeda deh hezaran şerwan , hezaran sazi u dezgeh awa kır.eee ew mırov 25 sale xwe jı bo rojavaye xebat kır
u niha encama wı derkete hole...
02 Ağustos 2013 Cuma 10:21
09:42
 // simko aga
Spas jıbo nivisateye dicihde u spas ypg...
02 Ağustos 2013 Cuma 09:42