Omer Dilsoz

Sî-tavk

18 Mayıs 2010 Salı 23:21

Sîtavk, enerjiyek e; ji sî û tavê têkel e, ne sî ye ne jî tav...

Bo nimûne, xewn, bîrhatina wan; sîtavk in...

Enerjiyek in... te ew hes kirine, jiyane û te ew di erdekî kûr û kûr; di jiyaneke xwe ya tu bi xwe jî nizanî ku der e, çend kevn e û ji ku derê ye, reenkarne dikî û bêhemdê xwe, di wê jiyana ‘sîtavkê’ de dijî.

...

Hafiza û bîr û bîrhatin jî, gera û vegera sîtavkan e...

Di wê bîrê de, kulturek, têgihîştinek, di kevalê qenc û xirabiyê de ‘exlaqek’ durist dibe û tu pê jiyana xwe bend û dabîn dikî, teşeyê dîzayn dikî, dirûvê mîzanpaj dikî, çarçoveyê redakte dikî, xeyalan tashîh û sererast dikî û bîra wê xitim dikî, kutne dikî, pêpes dikî, dinijinî, dîwaran li ber lê dikî, bendan li dorê ava dikî, deriyan tê re çêdikî, bircan li ser ava dikî û hifz û jêrhişa wê penîçav dikî, arşîv dikî û tê de, ji te re dinyayek kozmîk ava dibe...

Sîtavk, bi ser xwe ‘enerjî’yek e...

Enerjiya ‘xeyalê’, ya ‘xweziyê’, ya ‘hêviyê’ û ya ‘daxwazê’...

Niha, piştî me xeyalên xwe li tejiya hişê xwe rêstin, xweziyên xwe bi tejê dilê xwe lêkrisandin, hêviyên xwe bi singê ruhê xwe kutan û daxwazên xwe bi heza jiyana xwe kemilandin, wê demê, sîtavka li ber me, deştên pan ên jiyanê ne û tarî û kend û bendên li ber me jî, giş, xwîdana eniyê ne û me ew li pey xwe hiştine..

Enerjî, kengî bi mirovî gihîşt û bi mirovî kemilî, wê demê, mirov siwarê wê ye, lê kengî mirov di nav lepên wê de, bêserober xwe berda û çû, wê demê jî, hemû sîtavkên jiyanê bo mirovî riyeke tarî ya bêdûmahîk e...

Ji ber vê ye,

Divê mirov... gavekê li pêş, gavekê li ber, ber bi asoyên xwe ve biçe. Enerjî, herikînek e...

Tu rawestî jî ew ranaweste...

Bu yazı toplam 3208 defa okunmuştur
akben
 // tarik
ya bari kurtce sonrada turkce opsiyonlu biseler yapsanizda bizde okusak.ben yurtdisinda yasayan bir kurtum kurtce bilmiyorum.google translate kullaniyorum kurtce turkce ingililzce cok komik sacma bir ceviri oluyo.hadi turkce yapmiyosaniz bari ingilizce yapin.okumak anlamak istiyorum.cok rica ediyorum...
21 Mayıs 2010 Cuma 18:46
silav
 // amedlî
destê te saxbê mamoste...
20 Mayıs 2010 Perşembe 19:47
Pista wi cineyayehene to di biniy ???
 // Ismet Maruf HEKAR
Rast di bejiy, kur di beji bele ev nistimane zu tenagehit, hividarim demeke zu (hej roja kiyamete ne hati) te bi gehin......
19 Mayıs 2010 Çarşamba 02:34