Omer Dilsoz

Psîkolojiya A-sîmetrîK

01 Temmuz 2009 Çarşamba

Generalekî behsa "Şerê Psîkolojîk ê Asîmertîk" kir, di kurmanciya bav û kalan de li şûna vê dihate gotin, “Keysa xwe lê anî”, an jî “Lîfa xwe lê anî” yanî, di her fersendekê de serê derziyê gihande cihekî û ew cih kul kir.

Carina kulkirin ji qulkirinê zortir e. Kul hêdî hêdî tê derizandin û bi tevgereke asîmetrîk li gorî keyf û lîfê derb li kulê tê xistin û her ku diçe ew derz fireh dibe, heta dibe quleke mezin. 

Asîmetrîk dijberê sîmetriyê ye; di ferhengê de, ji bo liv û bizavên jieyarketî tê gotin. Her weha di termonolojiya leşkerî de ji bo hêza newekhev a propaganda û çekan a aliyên şer tê gotin. Mebes jê; heke aliyek bi tivengê aliyek bi jet û helîkopterê şer bike, wê demê ev şerekî asîmetrîk e û aliyê xwedan jet û helîkopter neheqiyê li yê dîtir dike.

Vêca niha bêjin kî li hemberî kê şerê fiîlî û yê psîkolojîk ê asîmetrîk dike?

Ji bo vê jî pêşiyên me gotiye, “Ji ya dizan ve her kes diz e” yanî, aliyê ku hem şerê psîkolojîk ê asîmetrîk (li çapemeniya tirkan binêrin) û hem jî şerê fiîlî yê asîmetrîk li hemberî gelekî bi kar tîne, kî ye, vêca hûn bi xwe bibersivînin!...

Malûm e, îktîdar di surişta xwe de wekî koremarî ye, çu şirîk û hevkaran qebûl nake.

Ji ber hindê jî şûrê îktîdar û serdestiyê li ser patika jar û lawazan tê husîn û bi xwîna wan gewre dibe.

Lê generalê dewletê çima wisa got?

Ji vê pênasa "şerê asîmetrîk ê psîkolojîk" mebesta wî çi ye?

Malûm e, rojev dikele, belgeyek li hewa difire.

Li gorî vê belgeyê plana artêşê ew e ku partiya îktîdar û cemaeta li pişt "bêtesîr" bike.

Lê ev plan di rojnameyekê de hate aşkerakirin û artêş û hikûmet hatin ber hev.

Di civîna MGKê ya "sîmetrîk" de aliyan kurmên xwe şikandin û bi çend rêzikan encamnameyek hate diyarkirin.

Gelo niha dê çi be?

Albayê berşik ê ku dihate gotin di bin belgeyê de îmzeya wî heye, hate girtin.

Hikûmetê pê li dûvê artêşê kir û gava ew di civîna MGK"ê ya "sîmetrîk" de wan gavek avêt û albay pişqufle kir.

Gelo qey otorîteya sivîl hêzê digire destê xwe?

Gelo Tirkiye ber bi welatê polîsan ve diçe?

Gelo di vê hengameyê de kurd li kî dera vê ne?

Gelo nebe ev "şerê asîmetrîk ê psîkolojîk" giş ji bo "serxurandin û bindirandina" me kurdan hatibe kirin û em di vê hengamê de tumikê ber dafikê bin?

Bu yazı toplam 6130 defa okunmuştur
selam
 // serhat özek
slm hevali ömer ezji te tebrik dikem u di bijim tubı ğir hati serçava hati...
30 Temmuz 2009 Perşembe 19:17
murunisi de pirozdiket
 // marunisi
hevalê dılsoz jbu nivisêd te ez gelek bı keyf xweşım. inşallah jıbuna dê gehiştina ezmanê me dê şulek baş inine hole
selam hurmet jbu te bırayê eziz....
13 Temmuz 2009 Pazartesi 11:37
PÎrozbahi...
 // JÎYANPEREST
Bi xér hati hevalé omer....
Ez baverim, tu bı fikr û hestén xwe vé bi bî minak ji civanén gevera rengin ra...
Slav û hürmet......
01 Temmuz 2009 Çarşamba 20:39