Omer Dilsoz

Li ser ‘fîrarê’ û spasiyek bo Zahîde Besî

26 Eylül 2013 Perşembe 11:04

Min xwest bi spasiyekê dest bi vê nivîsa xwe bikim.

Weke tê zanîn, min van rojên borî nameya Zahîde Besî ya li ser pirtûk û berhemên xwe di malpera me de xwend. Ez gelekî pê dilzîz û hestyar bûm. Hevala Zahîdeyê ez ji HADEPa Culemêrgê dinasim, bi rastî jî kurdeka dilsoz û pir hêja ye. Daxwaza pirtûkên min ê dî kiriye, ji bilî Berbiska Zer çapên pirtûkên min ên dîtir tev qediyane. Lê ez dixwazim bêjim ku piştgirî û tewecuha wan, hêz û şiyanê dide min ku ez pirtir xwe li nivîsandinê bişidînim.

Ez ê hewl bidim bibin layiqê tewecuha hevalên xwe.

Hindî sax bin, ez û kurdî jêkve nabin. Çi kes nexwîne jî, ez ê her di nivîsa xwe de berdewam bim, çimkî ez zanim ku ez tiştekî baş bo xelkê xwe dikim.

Ax bêbextiyê ax! Agir bi mala xayin û xwefiroşan bike!

Nezanî û cehalet, bi sed salan e ku wek kurmê darê hinavên vî xelkî dikerûje. Çi tê serê min, ji vê nezaniya me ye tê.

Ev nezanî, dibe kurm û dikeve giyanê me.

Vê saeta ku ez van rêzikan dinivîsim, îdia tê kirin ku ji 18 fîrariyên Kurd 17 ji wan li gundekî Çewlikê hatine girtin.

De were û xwe nepeqîne; salekê erdê bikole, heta vê derê were û ev çalakiya weha mezin li vir di nîvî re bimîne.

Lê ber dilê min, encam çi be jî, ew bi ser ketin.

Ew, fîrariyên serkeftî ne û wan çalakiyeke gelekî mezin pêk anî. Kî çi bêje bila bêje, çu tişt nikare vê serkeftina wan bixe ber sîya xwe.

Ew gihîştin armanca xwe û mesaja xwe gihandin binecihê; gotin –Îradeyek azad bi çu awayî li nav çar dîwaran heps nabe. Nayê derdestkirinê û çu hêz neşên rê lê bigirin.

Ev hevalên ‘me’ karekî pîroz pêk anîn û nîşanî dost û neyaran da ku îradeya wan a azad, nikare li çu bend û zindanan bê piştquflekirin.

Ew, şahînên çiyayên bilind in û li bilindahiyên mirovahiyê wan bi bîr û îdeolojiya xwe lûsê xwe vedaye.

Ew, nayêne şikandin, ti hêz nikare bi wan.  

Ji ber hindê,    

Tişta herî kêfa min anî ew bû ku 18 kurd, ligel hev, bi maweyê salekê di bin zindanê de kundizekê dikolin û di nav wan de çu 'kurmên darê' peyda nabin. Ev îrade û bawerî, nîşana wê ye ku Kurd êdî ne Kurdên berê yên 'paleyên xelkê' ne. Heke 18 kurd bikaribin bibin tifaq, we xuya ye ku em li ser riyeke rast in û tevgera kurd dê hemû mafên xwe bi dest bixe.

Ji ber hindê jî ew 'fîrar' ne tenê fîrarek e, di heman demê de ezmûneke serkeftî ye û dengê zenga tifaqê ye.

Bu yazı toplam 8300 defa okunmuştur
ji bo heval zozan bersiv û spasî
 // şivanê kiyatê
hevalê delal bi rastî em ne ji hev cuda difikirin. gotina te hêja ye, lê ez jî dibêjim peyvên ku hin herêman pirr tên bi kar anîn divê em car caran di nav nîvîsan de bibînin da ku him dewlemendiya zimanê me qels nebe him jî devokên hin herêman em bizanin. mînak peyva nikarin/neşên; hevalê delal neşên li Gevera Colemêrgê pirr tê bi kar anîn, ger ev peyva di nav hin nivîsan de bi cih bibe ji xeynê gelê Geverê gelê kurd ên din jî dikarin/dişên wê bi kar bînin.Tu rast dibêjî divê mirov guh bide zimanê standardîze. lê ev jî bi xwendinê pêk tê. Xwedê eqil bide wan kesan û mafê wan bistîne ku zimênek evqas dewlemend ji hêla perwerdeyê ve ji holê rakirine....
30 Eylül 2013 Pazartesi 16:54
11:01
 // zozan
Hewale Şivan ez dıxwazım bı reya minakeke gotıne xwe bejım nıha dehan devoken zımane erebi hene le dema ku ereb erebi dınıvisın erebiya standart dınıvisın ewa dı hemu zımanan de heye le her netevek jı bo nıvisandın u xwendın zımaneki xwe standart afırandıne. Ez dıxwazım tışteki dın bejım ez bı xwe jı maraşe me le ez xwe hini kurdiya standart kırıme ez hin ji dıçım kursa zımane kurdi jı bo ki kurdiya xwe hin peş da bıbım heke nıha ez bı devoke maraşe bınivisım tu nıvisa mın dıkari bu jı sedi sed fem bıki ? Hevale heja axaftın tışteki cudaye merıv dıkare bı devoke xwe bıpeyve ew dewlemendiya zımene le nıvisandın tışteki cudaye jı bo me kurdan zımaneki standart peviste da ku em kurd hevdu fam bıkın. Ez jı maraşe slave xwe dışinim hetani gevere. JI MARAŞE HETANİ MAHABATE JI MAHABATE HETANİ KERKUKE JI KERKUKİ HETANİ QAMIŞLOYE BIJİ KURDİSTAN. (Dı klavyeye mın de tipen kurdi nine jı ber ve nıvis wıha bu bıborın)...
30 Eylül 2013 Pazartesi 11:01
her bijî
 // şivanê kiyatê
birayê hêja nivîsa te jî hêla rêzimana kurdî de nivîsek sererast e. hevalê zozan ya bi rastî min şaş dike jî ev e ku kurdiya standart çawa ye birayê min, ji kerema xwe ji me re bibêje kîjan peyva dilsoz ne li gor zimanê kurdî yê standardîze ye. li gor min nivîskarê delal dilsoz, şûna peyva 'nikarin' peyva 'neşên' bi kar aniye. lê ev jî dewlemendiya kurdiya me ya rengîn û xweşik e. binêrin û bala xwe bidin vê rastiyê! em gelê Geverê ji bo standardîzeya kurdî hin peyvan nikarin/neşên bin pê bikin. Çimkî/çiku ev tevger, ditirsim ku zimanê me kurt û qels bike. ji ber hin taybetiyên zimên yê herêmî divê em bi kar bînin. Ez ji gelê Geverê me lê bi saya kovara Nûbiharê di hêla zimên de cudahiya devokan min baş fêmkir. Divê kurdî bê xwendin!...
29 Eylül 2013 Pazar 19:19