Omer Dilsoz

Berfeşîra sorgevezî

31 Aralık 2011 Cumartesi 15:28

Ev e ez im

Ruhê min parçe parçe di bedena min de serî dihilîne

Hişê min

Li ber destarê jiyanê çeqçeqokek e

Dihêre bi çepûrastkî ar(d)ê xwe,

                                            hil dike arê xwe 

 

ev e ez im

li pesarên peyvê yê neyê çi bendan

ruh qedqed

hiş kerr kerr

li ser destexanê;

sîniyeke xwînî ya bi 36 gulgulî

 

bêhna sotinê tê ji min

bêhna xweliyê

ya mirinê

û niha berfeşîra sor dialîse firokeyên generalê welatê jorî

 dialîse

 dialîse xwîna ciwanên 12 salî

 

ev e ez im

li kendalên Bêcuhê

li pesarên Rêbiskî

yê laşê wî kirine berfexwîn

li ser sifreya çeqel û keftaran

 

2011-12-30/ AMED  

Bu yazı toplam 2008 defa okunmuştur