Omer Dilsoz

Adar

01 Mart 2011 Salı 00:13

Hevok bi hevokê didim ber tejê hişê xwe; peyv wisa çir, wisa ko û wisa himbiz in, dikim nakim bi ber şehî nakevin.

Têm û diçim li dor heman pirsê digerim, “gelo ez ji ku derê dest pê bikim?”

Adar hat, bi ser çavan bê. Ev heyva xêr û şahî, serhildan û berxwedanê ye. Stranên me bi vê heyvê mişt in, serhildan û berxwedanên me jî.

Em adarê bi “vejîn” dinasin.

Gava dibe adar, xwîna me dikele, em dixwazin ji kovilê zivistana reş derkevin û serê xwe li ber jiyanên nû bihilînin.

Em bi adarê şa dibin û ji bo tevayê sala me xweş û serkeftî derbas bibe em adarê dikin bûka salê û dixwazin xemla herî xweşik bo wê bineqişînin û bînin li ber wê bigerînin.

Adar hat; bayê şoreşên yasemînî li bakurê parzemîna zer Efrîqayê digihêje ber balayên Kurdistanê. Xelkê Tûnis û Misirê serê fîrewnên xwe çemand ber, niha dora Lîbyayê ye, pêl bi pêl agir û kelvedana şoreşê belav dibe.

Welatê me di rûna xwe de dikizire.

Belkî li pişt deryayan bi hawara “twitter û facebookan” em nikaribin bi carekê textê zilmê li welatê xwe sernişîv bikin lê ez dibêjim qey dawîya hemû zalim û kedxwaran ji her kesê ve ronak û zelal e.

Adar dibişkive,

Ji niha ve bila li ser xêrê be!

Bu yazı toplam 5857 defa okunmuştur
miha azadîyê
 // mîrê zağros
li rojhelata navîn lahîya azadîyê yêk û yêk qelhên zordestan di hilweşîne... bayê azadîyê bihara rojhelata navîn zû anî. ev bayê azadî yê wê hemû herêmê bandor bike. jibo me jî derfetekî mezin çêbÛ ye. bangamin! hemû gelê kûrd di erifa newrozê qadên bajaran dagirbikîn û âmedê bi milyonan girse "roniştina azadiyê" bike. wê serfirazi bi xwere bine. hemû dewletên herême bi arêşeyên xwe mijulin dema azadî yê ye mihekê em meydana "ofîs"ê roniştina azadiya netawa xwe bikîn....
03 Mart 2011 Perşembe 19:28
adar hat
 // baran tekme
adar hat. Lê ev çend adare em bi hêviyên azadiyê adarê pêşwazî dikin. Gelo çend adar derbas bibin ku em bikaribin bi zimanê xwe di welatê xwe de bijîn. Em çima êdî nikarin serî rakin û li hemberî hemû zaliman bi çekên xwe xwe naparizin? adar hat lê pirs jî hatin. em e heya ku xwe bixapînin, em e heya ku li ber benda çend hestiyên ku hikumet bavijne me bisekinin? Ditirsim rojekî adarê dîsa bê em xwe re bêjin 'mart geldi'. Her roj sedan mirov bi peyvan dimrin. Gora wan êdi em bixwe jî bi destên xwe dikolin. Ere adarê bê derbas be, lê em kurden belengaz em e hê çiqas şepirze û xizan bimînin gelo? em kasê Ereban nînin yan rewşa me ji Tûnisê ji Misire paktire baştire? Dîsa jî adar hat, mîzgina bihar da me, bi xêr hat. ji stenbolê slav....
01 Mart 2011 Salı 18:48
bihar u jiyan
 // xelil omeri
wek go memoste gotibu;Adar,Bihar u jiyan ık nu u serbixwe ji gelemeyi fedakar u bı rumet re bı xer be u pirozbi.....
silaw u rezzz jı gele mere...
01 Mart 2011 Salı 13:35